2019 Kum Tanghra Sungh-awn A Chia I 6D A Hmumi Zong Kumdang Nakin An Zor

TCP-Thantlang|2019 June 10| 2019 kum Kawlram chung tanghra sungh awn zatuak a chia i 2012 in 2019 kum riat chungah a chiabik chang (pahnih nak) ah a tla tiah fimcawnnak zung nih thanhca chuah mi chungah an langhter.

Tukum tanghra awng zatuak (31%) leng lawng a si i 2016 kum ah a chiabik (30%) tluk lawng a rak si i kum 8 chungah a chiabik chang a si. Kum 8 chungah tanghra sungh awn that bik kum cu 2015 a si i (37%)leng a phan, a tangmi kum ah(32%, 33%, 34%) hrawnglawng an si. Tukum Kawlram chungah sungh awn a tha bik cu Mon ramkulh a si i zatuak (37%) a phan. Cu bantuk in a chia bik ramkulh cu Chin a si i zatuak (19.54%) lawng a si.

2019 kum tanghra awng in Distinction (kung-tthu) a hmu mi hna zong a luancia kum 6 lio nak in a tlawm bik kum a si i 6D a hmu mi minung 500 leng tluk lawng an si tiah thanhca chungah an tial.

Aluancia kum ah All Distinction (6-D) a hmun mi 700 leng an phan. Kum 6 chungah (6-D) a hmu mi a tambik kum cu 2016 a si i minung (900) tluk an si. 2019 kum ah (6-D) a hmu mi a tambik cu Mandalay ramthen a si i minung (220) nih a hmuh. Pahnihnak ah Yangon a si i minung (175) nih an hmuh ve. 2019 kum kawlram chung ah tanghra camipuai a phi mi siangngakchia minung 850,000 leng chungah minung 260,000 leng lawng an awng tiah kan theih.

Ref: One News Myanmar

Leave a Commnet

%d bloggers like this: