Eihmuar Ruangah Dandat Dingmi Minung 20 An Zam

TCP-Thantlang|2019 June 10| Eihmuarnak doh tu Committee sin ah report mi hna le dantat ding mi hna minung 20 an zam. Hi chungah Biaceih bawi, Sihni, Upadi bawi minung 8 an i tel tiah kan theih.

Mah hna pawl cu rampi eihmuar dohtu phu hna nih eihmuarnak upadi (55,56,57,59, 56,63,57,63,59,63) ningin a hmuh (case) hunpiak an si cang nain khoika an um ti theih lo in an zam hi a si. Mah a zam mi pawl hna cu an hmanthlak he tar an si hnu ah a hmu mi nan um sual hna a si cun neihniam palek zungah thawng nan kan thanh lai tiah June 9 ni ah Py-the-zi zung le palek nih thanhca an chuah.

Hi chungah nu 7 le pa 13 an si. “a zam mi pawl cu an hmanthlak le an konglam dikthlir he eihmuar dohtu phu (ACC) Website zongah tar a si. Hi hna pawl tlaih le kawlhawl ding cu Py-the-zi zung lei nih an tawlrel lai” tiah ACC chimnak nawl ngei mi U Kyaw Soe nih a chim.

Eihmuarnak doh tu phu hna cu a tu lio NLD cozah chungah dirh mi bu a si i kum hnih tluk an riantuannak chungah eihmuar ruang minung 50 tluk dan an tat cang hna tiah kan theih.

Ref: News Watch

Leave a Commnet

%d bloggers like this: