A-H1N1 Zawtnak In Yangon Ah Minung 4 An Thi Cang
TCP-Thantlang | 2019 June 20| Kawlram chungah A-H1N1 timi zawtnak rungrul phunkhat a ngeimi minung 10 an um i Yangon ramchung in minung 4 an thi cang tiah ngandamnak zung nih June 19 ah a chim.
Hi bantuk zawtnak sivai (Virus) cu a luancia 2017 kum in Kawlram chungah hmuhchuah a si i 2019 kum ruahlo piin an hmuhchuah than mi cu vawleicung ngandamnak lei tawlreltu phu (WHO) in tuanvo ngeitu a si mi Indiaram New Delhi um Kawlram siibawi nih a mah hmuhning a tubantuk in a chim.
“Ngandamnak zung lei nih thil a can, a caan chung teah kham dingin an i zuam lio a si. Cubantuk in Kawlram chungah tawlrel lio pi a si. 2017 kum voikhat le a tu 2019 kum ah a hungchuak than. Cucaah ralrinnak thawngthanh mi zong mizapi lei nih an zulh herh ve. A biapi bikmi cu mah zawtnak i khamnak ding caah pumpak i thianhhlimh a herh i hmurhuh (mask) zong i tuam ding, mi bu sin ah chuah luh tuk lo ding, a tu le tu kut i tawl ding, pakhat khat tlagrai nih an phak i nihnih chungah na dam khawh lo ah cun neihniam a si mi sii-inn, sii-khan ah i hmuhsak ding a si” tiah a chim.
A-H1N1 zawtnak hrik cu hnap tibantuk chungah a um deuh caah mi pakhat a ha-thio tikah pe 6 chung ah minung hawidang nih an i chawnh khawh mi a si. Cu bantuk zawtnak cu a thitha der mi, tar, ngakchia le cuap tha lo mi tibantuk hna sin ah a tlung duh deuh mi a si. Cubantuk hna nih cun a hlankan in an i runven a herh. Cucaah mah hna pawl cu mi tampi an umnak hmun, hmur huh ding le kuttawl an felfai a herh” tiah Delhi um Kawlram siibawi nih a chim.
2017 kum ah a tubantuk H1N1 zawtnak in Kawlram chungah minung 36 an rak thi bal cang tiah kan theih.
Ref: VOA, Myanmar Now
About The Author
