June 21, 2024

A Ra Laimi Kum Thum Chung Ah Electric Mei MW 2000 Tluk An Chap Lai

0

TCP-Thantlang| 2018 June 22| Yangon ramthen chungah a ra laimi kumthum chungah electric mei MW 2000 chap dingin biahrennak ngeih a si cang tiah Yangon ramthen sipin vuanci Maung Maung Soe nih a chim.

June 20 Yangon ramthen chung Hluttaw meeting ah khua 11 ah tuah dingmi set-hmuh zone saknak kong he pehtlai in ceihhmainak ngeih lio atu bantuk in Maung Maung Soe nih a chim hi a si.

“Set-hmuh zone le a dangdang tuahtimh mi zong ah electric mei cu a herhmi a si. A tu lio Yangon khua nih kan hman mi mei hi MW 1600 leng a si. Set-hmuh vuanci zung lei nih 2018 – 209 in 2020-2021kum chungah MW 3000 tiang a chuahkhawhnak tiang timhtuahnak ngeih a si. Hi chungah Yangon ramthen caah MW 2000 hman ding a si. Cucaah biahrennak a tlam tlin i rian kan tuan khawh ahcun mei cu duhtawk in kan hmang kho cang lai” tiah sipin U Maung Maung Soe nih a chim.

Yangon ramthen chung khua 11 ah set-hmuh zone sak ding zong timhtuahnak an ngei chih tiah theih a si.
Ref: DVB Burmese

About The Author

Na ruahning rak langhter ve.. (Leave a comment)