AA sin ah aa fonhmi SAC ralkap 5 an um cang
The Chinland Post | 2022 September 13 – Rakhine ram ah riankinhmi SAC kuttang BGF le SAC ralkap AA sin ah aa dormi September 12 tiangah 5 an phan cang tiah kahdohnak a hlathlaitu pawl sin in theih a si.
Kahdohnak a hlathlaitu pakhat nih “A si ko. SAC ralkap pawl AA sin ah hriam telh loin an rak i dor. September 12 tiangah 5 an si cang. Rathedaung ah 3, Kyaukdaw ah 2, tiah 5 an um cang. Hmailei caan zongah a tam deuh khomi an si” tiah DVB ah a chim.
Kyaukdaw khua in meng 8 aa hlatnak Maharmuni pura cungah hmunhma a khuarmi ralkap 2 September 10 zaanlei sml 3:30pm hrawngah hriam loin an zaam i AA sin ah an i dor. Rathedaung peng Setipin khua luhnak pura tlang ah hmunhma a khuarmi BGF ralbawi pakhat le ralkap 2 zong September 6 ah AA sin ah hriam loin an zaam.
Rakhine ram ah riankhinhmi SAC kuttang battalion in ralbawi he aa naihniammi pawl cu tangka luh a fawinak gate pawl ah rian an ṭuan i ralkap sawhsawh pawl cu umkalnak a har ruangah ralram ah ke in kahdohnak an tuahter hna.
A luancia May 22 zongah Kyaukdaw khua ralkap pakhat hriam loin a zaam tiah ngiathlaitu pawl cazin in hmuh khawh a si.
About The Author
