Kahdoh a chuahnak Paletwa peng chaklei cu thilphorhnak nawl an phih caah eidin le sii a har
![](https://i0.wp.com/thechinlandpost.info/wp-content/uploads/2022/08/Paletwa-Welcome_FB.jpg?fit=640%2C385&ssl=1)
The Chinland Post | 2022 September 12 – SAC ralkap le AA karlak ah nifatin ngawt in kahdoh a chuaknak Chin ramkulh Paletwa peng chaklei cu SAC ralkap nih thilri phorhnak nawl an phih caah nifatin eidin thilman a kai tuk i sii zong a um ti lo tiah theih a si.
“Atu bantuk thil phorhnak nawl an phihnak hi thlakhat a si cang lai, a um ciami thilri zong a man an kai tuk cang” tiah Paletwa khuami pakhat nih Chin World ah a chim.
Umkalnak a har tuknak Paletwa peng hi raifanh zawtnak a karhnak hmunhma zong a si i atu bantuk in sii a dih caah khuami hna zong thinphang in an um. A ngandam lomi cheukhat zong sii-ai tlamtlin lo ruangah an thi tiah theih a si.