Dothlennak phu pawl nih kah ruangah SAC ralkap 20,150 leng an thi

The Chinland Post | 2022 September 13 – Mipi dothlennak kumkhat chungah SAC lei in nikhat ah ralkap 50 hrawng an thi tiah NUG caan karlak President Duwa Lashi La nih a rak chim.

NUG caan karlak President nih 2022 September 7 ah biachimnak a ngeihmi chungah SAC ralkap 20,150 leng an thi cang tiah a chim.

A luancia kum May thla thok in SAC cu a rak um ciami tlangcung hriamtlai phu pawl lengah a rak chuak chapmi dothlennak phu pawl nih kahdohnak ruangah Myanmar ram pumpi ah a ralkap thazang a samh.

Hramhram in uknak lak a si hnu ah ralkap pawl an raltuk thiamnak a tla tuk tiah CDM a tuahmi ralkap pawl nih an chim.

Cucaah cawn caan kumkhat deng te lawng a ngeimi dothlennak phu pawl he kahdohnak ah an sungh caah khuate hna an khangh, vanlei kahdohnak hna an hman hi a si.

Cun, Hramhram in uknak lak a si hnu kumkhat leng chungah ralkap a thimi an tam, CDM a tuahmi ralkap le a zaammi ralkap an tam caah SAC ralkap thazang an sawksam kha hmuh khawh a si lengah mithar zong an khawm kho ti hna lo tiah hlathlaitu pawl nih an ruahdamh.

Na ruahning rak langhter ve.. (Leave a comment)

%d bloggers like this: