American Ah Phungninglo A Lutmi Paoh Tazacuai An Si Cang Lai; US Biaceih Bawizik
City Hunter| 2018 May 9| American ramkomh chung ah phungninglo a lutmi paoh tazacuai an si cang lai tiah US biaceih bawizik (U.S. Attorney-General) Jeff Sessions nih ralrin peknak bia a chim ruangmang cang.
California ramkulh, May 7 ah biaceih bawizik Jeff Sessions nih thawnglatu hna sin ah atu bantuk in achim hi a si.
“Nihin kan vawleipi sin ah chim ka duhmi cu kannih American hi khuhchilhter ram si kan duh lo. Mibu pi rak luh le kanmah ramri ah buainak chuahter ding zong nawl kan onh lo. Mi lutchuak phunglam (lah-wah-kah) ah phungluhter le limhang ngeihter a herh. Kan ram nitlak thlanglei ramri in phungninglo a rak lutmi he pehtlai in zeitihmanh in kan ngaithiam kho ti hna lo. Phungninglo in na rak luh ahcun taza kan in cuai cang hna lai. Phungninglo in a rak luhpitu, ngakchia pakhat phungninglo in a rak luhtupi na si ahcun taza kan in cuai lai. Cun, upadi nih ngakchia le nangmah cu an i thenter khawh hna” tiah a chimchih.
Cu pin ah Jeff Sessions nih i dornak nawl a haltu hna kongkau tawlrelnak ding ah mi lutchuak zohfeltu ding biaceihtu milu zong zatuak 50% kan karh chap cang lai” tiah a chim.
Ref: DVB Burmese
About The Author
