Ar Yone Oo Nih Thantlang Ah Online Media & Social Media Training An Tuah

Salai Elvis | 2018 May 8| May 8 Thantlang TBC Hall ah Ar Yone Oo Social Development Association nih Online Media & Social Media cawnpiaknak an tuah.

Hi cawnpiaknak cu Thantlang ah a voikhatnak an tuah a si i a bik in Online Media & Social Media a hmanning cang kong chimh an si.

“Issue base advocacy timi hi Ar Yone Oo riantuannak tang ah a um ve. Cu chungah kan ram nih a herh i chan tiluan he aa pehtlaimi paoh kha cawnpiaknak tuah a si. Online Media & Social Media ah ca kan thlahmi hi sullam ngeimi a um bantuk in sullam ngei lo mi zong a tampi a um tikah hnahnawh buaibainak a um lo nakhnga le ningcang tein hman kan thiam khawhnak ding caah a tubantuk in cawnpiaknak kan tuah cu a si” Project manager Dr. Moses Thla Cung nih TCP ah a chim.

Ar Yone Oo Social Development Association hi Chinram chungah an riantuannak hi Matupi, Mindat, Kanpelet, Tedim, Tonzang le Hakha ah a si.

Mah ni ah Thantlang khuachung zatlang bu dihlak, biaknak lei, khuabawi, ramkhel party hna le khuachungmi hna sawm an si i minung 30 renglo an kai kho.

Cawnpiaktu cu Salai Ngun San Aung nih, “role and responsibility of Media” tlangtar in cawnpiaknak le sipin Committee chairman Pu Ram Khar nih Social Media hmanning kong a hmuh ning chimhruahnak an ngeih hna. A dih in biahalnak le bialehnak zong an ngei tiah theih a si.

Na ruahning rak langhter ve.. (Leave a comment)

%d bloggers like this: