Chin Miphun Chung Tengnge In Upa Hna Remdaihnak Kong Ah Tonnak An Ngei Lai

Salai Elvis | 2018 May 8| Aralaimi May 18 ah Chin ramkulh chung Paletwa peng Sami Myo ah Chin miphun tengnge a simi upa hna remdaihnak (Peace Forum) avoi khatnak tonbiaruahnak an ngei lai tiah thawng kan theih.

Hi ton biaruahnak chungah Chin miphun tengnge a simi hna hruaitu, mino, nubu, biaknak lei hruaitu, khuabawi hna le cozah zung riantu upa hna an i tel lai.

Chin miphun tengnge a simi hna Khumi, Kha-mi, Maing, Khawng-soe, Mara, Matu miphun an si lai i hi chungah a bik in kan ceih ding cu miphun tengnge pakhat le pakhat kar ah remnak le hmunkhat teah karhlan ding kong a si” tiah U Maung Ngio nih a chim.

Hi chungah pakhat le pakhat i zumhngamhnak, thanchonak, i theihthiamnak, rampi remdaihnak kongah i teltumnak le mizapi sinin a chuakmi aw-an kha ngeih i chimrelpiak ding hi kan i tinhmi a si” tiah a cunglei upa nih a chim.

Chin miphun tengnge a simi hna nih kan lungfah bikmi cu pakhat le pakhat kan holh le ka ca kan i theih lo, lungrualnak, i tlukrualnak le nawl kan ngeih khawh lomi hi a si. A tu tonnak kan ngeihmi biafunnak hi July thla ah ‘theihternak le halnak’ tiin ton biaruahnak kan ngei than lai. Cu i biafunank kan ngei thanmi cu Hluttaw palai hna sin le cozah sin ah kan pek than hna lai” tiah U Maung Ngio nih a chim.

Atu bantuk in remdaihnak kong he pehtlai in Chin miphun tengnge hna sin ah nithum chung rau in voi 10 tluk tuah a si cang tiah theih a si.

Atutan ton biaruahnak an ngeihnak ding Chin ramkulh Sami Myo cu 2012 kum ah cozah hnatlaknak in khuapi an rak hmu i inn 700 le minung 2000 renglo an umnak Myo pakhat a si.
Ref: 7Day Daily News

Na ruahning rak langhter ve.. (Leave a comment)

%d bloggers like this: