Aung San Suu Kyi Umnak Inn No. 54 Cu US Dollar 90 Million, Kyat 315 Billion In Zuar Ding Ah Biaceih Zung Nih Biakhiahnak An Tuah
The Chinland Post | January 25, 2024 — Yangon, Bahan peng, University avenue lam um Aungsangsuukyi umnak inn no. 54 cu zuar ding in Kamayouk biaceih zung nih January 25 ah biakhiahnak an tuah tiah theih a si.
No. 54 inn pi cu US$ 90 million- Kyat 315 billion- sing 3,150,000 MMK a tlawn bik in lelan zuar in March 20 2024 kum ah mah inn hmai ah lelan လေလံ in zuar a si lai tiah biakhiahnak an tuah.
Rampi biaceihzung pi tiang mah kong hi ceih a si. Mah hnu ah pengkomh-District biaceih zung nih January 25 ah Lelan zuar ding in biakhiahnak thawng cu Myanmar ca in tial mi media kip nih an lanhgter.
Mah inn pi hi Daw Khin Kyi-Aung San Su Kyi hringtu a nu min in um mi dum pi a si i ro kong ah fa upa bik Aung San Oo nih inn le dum roco a duh caah 2022 ah rampi biaceihnak zung tiang a rak hal hna hnu ah Aung San Oo cu teinak an co ter hnu ah atu bantuk in lelan- လေလံ zuar ding in biakhiahnak an tuah.
No. 54 inn le dum roconak kong ah dum chung um mi dot hnih inn le a hnulei um mi hi Aung San Suu Gyi nih ro co ding le dotkhat aa tel mi a hmailei kap hmun hi fa upa Aungsan Oo nih co ding in 2016 kum ah Yangon Western biacheihnak zung nih biakhiahnak an rak ngei. Mah biakhiahnak a duh lo mi Aung San Oo nih inn le dum vialte zuar dih in hmuh mi tangka hi Aung San Suu Gyi he cheuh ding in rampi biaceihnak zung ah nawl a hal than hna.
About The Author
