Avoi 2nak HUSO Nih CCU Ah Education Awareness Camp An Tuah

Salai CungCung|2019 May 27| A voi 2nak HUSO (Hakha University Student Organization) nih ngakchia taang 5 in taang 7 tiang cu May 13 in 17 tiang Hakha CCU ah Education Awareness Camp an tuahpiak hna tiah kan theih.

“Tu hi avoi 2nak kan tuah a si. Siangngakchia minung 94 an kai kho. A bik in kan tuah mi cu cozah sianginn ah an cawn tuk lo mi le an tuah tuk lo mi kha kan cawnpiak hna. Sport zong kan tuahpi hna i group  4 in kan then hna i zaanfatin talent show le mah le group cio ah title pakhat pek in zuamternak le chun ah pumpululh chuihnak zong kan tuahpi hna.  A voi 1nak cu CCU ah kan tuah i a kai kho mi hi minung 120 hrawng an si” tiah HUSO President  Salai Ca Kam nih The Chinland Post ah a chim.

Hi Education Awareness Camp an tuahnak ah hin an mah siangngakchia chung an u le a dih cang mi telh  in cabawm an i pe hna cio hna i cu chung in an tuahmi a si. Cun nu le pa zong nih facang le adang dang tein camp ah a hlu mi an um pah. Hi Education Awareness Camp cu kum fatin pehzulh in tuah an timh tiah kan theih.

“Aa bik in Education Awareness kan tuah hnawh channak a ruang cu, pakhatnak ah kan Laimi tuanbia le kan ca hi cozah sianginn ah cawn mi a tlawm deuh caah kan tuahmi a si. Pahnihnak ah kan Laimi mino le ngakchia hna nuncan ziaza lei thancho khawhnak caah tiin tuah mi a si. Pathumnak ah lentecelhnak lei le ringawn lei hi a si. Palinak ah Zuk thai (muitawn), a panganak ah Hakha ngakchia zapi hmunkhat te tonpumhnak ngeih khawh in mah le mah i theih hngalh khawh ding le i hawikomhnak chuak kho seh ti kan duh caah kan tuah mi  an si” tiah Salai Ca Kam nih a chim chap.

 Cawnpiaktu hna cu; pawngkam zohkhenhnak ah Pastor Ni Cung Thang, Nun can ziaza ah Pastor Chan Hnin Thang, ngamdamnak ah Dr. Cung pi, Pupa tuanbia ah siangngakchia chung in Salai Biak Peng Thang le Biak Lian Thang, Ringawn lei ah Saya Za Uk Bawi, zukthai Salai Nan Yan an si tiah kan theih.

Hi cawnpiaknak ah an chimh mi hna cu; Basic Grammar (Miraangca), Laica, lai nunphung , lai tuanbia, ngandamnak theihtlei, art(zuk thai le ringawn, Bible theihtlei, Majar indtroduce, zaangleknak,  zaan can ah drammar, in siseh muicawl zohnak lei in ssieh talent show in siseh  adang dang cawlcanghnak an tuahpi hna tiah kan theih.

Leave a Commnet

%d bloggers like this: