Avoi 3nak Kumzabu 21 Panglong Conference A Ni Caan An Thawn

Chinland Post| 2018 January 23| January thla dongh zarh ah tuahding mi avoi 3nak kumzabu panglong conference cu a ni caan kan thawn tiah ramkomh ramdaihnak commission chungtel U Aung Soe nih a chim.

“February thla chung tuahding in cozah hruaitu lutlai hna, remdaihnak commission le NCA min a thumi tlangcung hriamtlai phu hruaitu lutlai pawl he kan i ceihmai lio” tiah U Aung Soe nih a chim.

“A hmasa bik ah zeitik ah dah kan tuah lai timi a tlangpi in kan khiah. Asinain, a ni caan taktak cu kan i ceihmai lio. A tlamtlinnak ding kan i zuam ko. Tu thla chung tu ahcun tuah awk kan tha bak lo. Hruaitu lutlai hna he hmaithla chung ah tuah kho ding in kan i ceihmai cuahmah ko. February thla chung ahcun tuah a si ko lai.”

Tuan ahcun avoi 3nak kumzabu 21 panglong conference cu tu thla donghnak zarh ah tuahding in timh a si nain NCA min a thumi tlangcung hriamtlai phu 8 nih a ni caan thawnpiak ding in an hal caah a si.

NCA min a thumi tlangcung hriamtlai phu hna nih an tuahmi kumzabu 21 panglong conference caah mizapi he ton biaruahnak le miphun huap ramkhel biaruahnak kham le thlauh an ton ruang ah cu bantuk caan hman khawhnak le ceihmainak ngeih khawhnak ding caah atu bantuk in conference a ni caan thawnpiak ding in kahngolnak a tuahtu phu hna nih an halnak hi a si.

Kumzabu 21 panglong conference cu kumkhat voihnih tuahding in hnatlaknak an ngei i a hmasa bik tonpumhnak cu 2016 kum September thla le avoi hnihnak cu 2017 May thla chung ah an rak tuah.
Ref: RFA Burmese

Leave a Commnet

%d bloggers like this: