Ayadaw Ah PDF Sakhaan Pakhat An Luhhnawh Hna I Company Commander Telh In 3 An Thah Hna
The Chinland Post | 2023 October 18 — Sagaing ramṭhen, Ayadaw peng PDF sakhaan pakhat cu October 16 ah SAC ralkap pawl nih an luhhnawh hna caah kahdohnak a chuak i PDF chungtel 3 an thah hna tiah Ayadaw peng PDF phu sin in thawng theih a si.
Thah a tong mi hna hi Ayadaw peng le Monywa peng ranri ah hmunhma a khuar mi Monywa pengkomh B27, C04 in Company Commander telh in nu 1 le pakhat an si tiah theih a si.
October 16 zinglei ah SAC ralkap 70 leng nih an rak luh hnawh hna caah kahdohnak a chuak i atu bantuk in PDF chungtel 3 an nunnak a liam hi a si.
Sakhaan i minung umnak buk 2 zong an khangh i hriam pawl zong an kalpi tiah theih a si.
