Mipi Ralkap Nih Hunhimnak A Laknak Hmun
The Chinlandpost | October 19, 2023 — National Unity Government, Ministry of Defence tang ah mipi ralkap phu nih SAC ralhrang bu dohnak ah Operation tampi tuah in kahdohnak an tuah peng. Atulio a biapi ngai mi Operation hi Sittaung tiva pawngkam vialte lak khawh ding le Ayeyarwaddy tiva nitlak lei ah Operation tuah in kahdohnak an tuah lio a si.
Mah Operation pi cu ralhrang umnak hmun doh le lak ding mi a si caah a biapi tuk mi raldohnak hmun an si. Yangon-Naypitaw lampi nichuah lei um Sittaung tiva pawngkam Operation hi hmailtak in kahnak an tuah lio a si bantuk in Bago ram nitlak lei le Magwe ramthen ah kahdohnak an tuah lio a si ve. Cu hmun vialte a umnak a laicer bik hi Bago Yoma umnak a si. Sittaung tiva pawngkam le Bago ram nitlak, Magwe ramthen ah teinak hmuh peng a si i, Bago Yoma zong ah mipi ralkap lei nih SAC ralkap sakhaan lak in teinak a hmuh thluahmah lio a si.
Khuapua dohthlennak hramthawk in Sagaing, Chinram, Karen le Karenni ramthen ah kahdohnak a um peng. Nihin ah mipi ralkap le ṭangṭi ralkap hna nih SAC ralkap hunhimnak hmun tam mi Bago, Magwe, Naypitaw le Tanintharyi lei ah kahdohnak zualhma ngai in an tuah khawh. SAC ralhrang lei hmunhma a bi ngai cang. Sagaing, Chin, Karen le Karenni lei ah SAC sakhaan lak in, Khuachung kahdohnak tuah in, khuate kip ah mipi ralkap nih uknak a ser khawh cang.
Ministry Defense lei nih kahdohnak tuah ding Strategies a ser mi ah Myanmar ram chung hmun kip ah mipi ralkap lei nih kahnak an tuah mi hi 2023 kum chung zoh tik ah teinak a hmuh mi a tam. Raltuk an thiam. Ram pumpi chung in khuapi bik telh lo in, pengkomh, peng kip ah mipi ralkap lei nih zatuak 100% dengmang kahdohnak an tuah khawh cang caah SAC lei ralkap harnak, lungruallonak, cunglei an bawi le karlak i zumhlonak ruang ah rianphuah a tong mi le thongthlak mi, lungdong in a tlimi le a thi mi, hliam a tuar mi a hun tam ngai caah SAC ralkap a tluk ding can a rau ti lai lo.
Credit/ PDF Insight
About The Author
