Bhamo khua GAD zung a kaang, Palik 2 an thi

The Chinland Post | 2022 August 10 – Kachin ram, Bhamo khua, Sinpintaya sang GAD zung cu August 10 zinglei sml 11:00am hrawngah bom a puak i a kaang tiah theih a si.

Urban Revolutionary Force Bhamo hriamtlai pakhat nih “A thimi le hliam a tuarmi a fiang in kan thei lo. Kanmah phu nih zinglei sml 10:00am-11:00am kar ah kan puahmi a si. Zung chung le cycle an chiahnak hna zong a kaang. Kanmah lei him tein kan kir kho. Bhamo pengkomh SAC rianṭuannak dir seh tiah kan duh i kan puahmi a si” tiah The Irrawaddy ah a chim.

Urban Revolutionary Force Bhamo phu nih SAC uknak a dir khawhnak hnga kan cawlcangh lai caah mipi hna nih ralkap le palik he aa hlatnak ah um ding in nawlnak a chim.

Puahkehnak ruangah palik 2 an thi i cycle 30 hrawng a kaang, inn zong a rawk tiah media pawl nih an langhter.

Na ruahning rak langhter ve.. (Leave a comment)

%d bloggers like this: