Nan ngamh ahcun khua lengah kahdohnak rak tuah uh tiah CDF-Hakha nih SAC ralkap a ngir
The Chinland Post | 2022 August 11 – SAC ralkap pawl nih nan ngamh taktak a si ahcun mipi innlo hnawrsuannak a um lomi khua lengah kahdohnak rak tuah uh tiah CDF-Hakha nih a thanh.
SAC ralkap nih hriamngan kah thlorh in a kah ruangah mipi innlo tampi a rawk cang i SAC ralkap kut in mipi 6 an thih lengah innlo 30 leng a rawk cang tiah CDF-Hakha nih a langhter.
Cucaah SAC ralkap nih nan kan ngamh taktak a si ahcun khua lengah kahdohnak rak tuah uh tiah CDF-Hakha nih August 10 ah cathanh a chuah.
SAC ralkap thiltuah hi vawlei cung phung a buar i mipi sunghnak le temhinnak cungah a tuar/tawlrel ṭhan lai tiah CDF-Hakha nih ralrinnak a pek.
CDF-Hakha nih kahdohnak a ṭhawnter chin lai i SAC ralkap a hnulei in a tlaitu riansang a tlaitu pawl, Non-CDM le Dalan pawl cu CDF-Hakha nih fak piin a ziizut nan si lai tiah a thanh.
August 10 ah SAC ralkap hriamngan ruangah Hniarlawn khuami Pi Cia Hnem a nunnak a liam tiah theih a si.
About The Author
