Biaceihnak Zung Riantuantu Kumkhat Chungah Minung 160 Sualphawt Dantat An Tong

Salai Aung Aung| 2018 May 3| Nikum chung ah khan biaceihtu minung 88 tel in biaceihnak zung ah rian a tuanmi minung an dihlak 160 cu cozah zung riantuan pawl he aa pehtlaimi sualphawtnak in dan an tat hna tiah theih a si.

May 2, Naypyidaw International Convention Center ah tuahmi 2017 chung an rian tuan mi fianternak le theihternak ah Ramkomh Tayar Hluttaw zung in AD U Zaw Zaw Htun nih a chimmi a si.

Mizapi lei kap in report nak ca an tial bantuk in peng i biaceih bawi thawk in Director tiang dantat mi ah an i tel. Cun, Peng biaceihbawi pakhat le biaceih bawi chang pakhat cu an rian in phuah tiang an tong tiah theih a si.

Cu lengah cozah zung riantuantu he aa pehtlai mi sualphawt dantat nak a tongmi hna hi cu an rian in chuah mi an um, rian kai nak phih piak chung mi, rian thumh mi, rian in chikhat dinhter mi tibantuk in dantatnak a phun phun tuah a si tiah a chim fawn.

Biaceihnak leikap ah thlenremhnak a um khawh nak ding caah 2018-2022 kar ahhin chan he aa tlak mi biaceihnak zung ah hman a herhmi thilri chiah ding, biaceihbawi pawl caah biaceihnak he aa pehtlai mi fimcawmnak pawl tampi in kai ter ding tibantuk zong aa tel.
Cun hi kum nga chung ahhin biaceih zung nih an bia ceih piak zau loin ni dang tuk than lengmang tibantuk le biaceih ding a ummi ceih piak zau loin saupi chiah ti bantuk a zor nak ding tuanchuah an i tim tiah theih a si.
Ref: RFA Burmese

Leave a Commnet

%d bloggers like this: