Hakha Ah 88 Chanchuak Dirhmi 8888 Pyituh Party Nih Mizapi An Ton Hna Lai
Salai Ngun San Aung| 2018 May 4| 1988 Myanmar ramchung Siangngakchia cawlcanghnak le dothlennak in a chuakmi siangngakchia hlun pawl 88 chanchuak (88 Generation) tiah auhmi nih an dirh tharmi 8888 Pyituh Party cu May 14, Hakha CACC zung ah mizapi he ton biaruahnak an ngei lai.
“Party chairman U Ko Ko Kyi hruainak in an rak tlung lai i May 14, sml. 12:00-3:00 kar CACC Hall ah mizapi he ton biaruahnak an ngei lai. Laitlang lawng siloin Myanmar ram chung ramthen le ramkulh dang dang zongah mizapi he tonnak an tuah i pehzulh in tuah timh cuahmah a si. Mizapi paoh i tel khawh a si. Media zong sawm an si, zapi lei kap in a siah Media leikap zong in a si ah duhmi paoh party le ramkhel kong he ee pehtlai mi cu bia hal khawh a si lai” tiah Hakha mizapi he tonnak ding tuanvo latu Saya Lal Lian Thang nih TCP ah a chim.
8888 Pyituh Party cu nai te April 26 ah Ramkomh thimnak Commission zung nih party dirhnak nawl onhmi an si i April 29 ah party lutlai le a changtu thimnak zong an tuah. Party lutlai ah U Ko Ko Kyi le a changtu ah U Yee Aung Naing an thim hna.
8888 Pyituh Party cu tukum caan karlak thimnak ahhin a tlawmbik hmun thum ah thimnak i cuh an i tim tiah theih a si. Cuh an i timhnak thimfung hmunhma bel cu mizapi sinah fiang in an thanh rih lo.
About The Author
