May 24, 2024

Bogyoke Aung San Milem Chiah A Herh Le Herh Lo Kaya Ramkulh Ah Ruahnak An Lak

0

Salai Aung Aung| 2018 July 15| Kaya ramkulh khuahlipi Loikaw ah Bogyoke Aung San milem chiah ding timhtuahnak a si caah Kaya ramkulh chung mi zatlang bu 11 nih hihi a herh maw herh lo timi ruahnak laknak an tuah.

Cu ruahnak laknak cu July 13 in an thawk i 20 ni tiang an tuah lai tiah theih a si. Aung San Milem kan chiah lai an ti mi kongah hin langhfiannak a um lo i ram ngeitu a simi tualchung mi hna kan ruahnak zong zeihmanh an kan hal hmasa lo, kanmah le kan miphun in upat tihzah mi hruaitu mi hmaisa kan i ngeih ve ko hna caah mah hna pawl cu a hmasa ah upatnak kan pek hna a herh ti kan ruah tiah hi cawlcanghnak tlangtlatu upa pakhat nih a chim.

Kaya ramkulh cozah phu zong nih khuabawi pawl kha Aung San milem chiah ding a lungtling mi cazin lak an fial ve hna.

July 7 ah khan Kaya mino pawl le cozah phu tonnak an ngei i cu ah cun ramkulh chief minister nih a lungtling mi cazin lak dingin khuabawi pawl tuanvo a pek hna hi a si tiah theih a si.

Tu cu Kaya mino pawl nih lam nai deuh um mizapi sinah min cazin an lak lio a si. Kaya ramkulh chungah Aung San milem chiah ding timi timhtuahnak a um le cangka tein Kaya mino pawl nih sining zoh chun in milem chiah lo dingin Kaya ramkulh cozah phu sinah ca an tial colh.
Hi kong ahhin July 3 ah khan Kaya mino phu hohatnak in lam an zawh i duhlonak an rak langhter. Cu lamzawhnak ah aa telmi mino upa pakhat zong cozah nih an tlaih i suimilam tlawmpal chung an rak hren.

Cu lengah Kaya tuanbia kong langhter in le Aung San milem duhlo nak kong ca a chuahtu mino upa pali cu July 11 ah bia an ceih hna i rampi muisam a chiatternak pohmah 505(b) (c) in taza an cuai hna i thong an thlak hna.

Ref: BBC

About The Author

Na ruahning rak langhter ve.. (Leave a comment)

%d bloggers like this: