Panglong Conference Ramkhel Kong Ceihmi Ah Hnatlaknak An Tuah Kho Rih Lo
Salai Aung Aung| 2018 July 15| Kumzabu 21 Panglong Conference a voi thumnak an tuahmi cu Nili chung biaruahnak an ngei cang nain ramkhel lei kong an ceihmi ah hnatlaknak an tuah kho rih lo tiah theih a si.
Ramkhel kong an ceih timi zong cu nu le pa tlukrualnak timi tlangtar a si i cu tlangtaar tang ah cun tlangtar hme pali a um.
Cu kong cu, democracy le federal ukning ah hram a bunhmi ramkomh chung ummi rammi paoh paoh nu le pa thleidan lo ding, tlukruannak a um khawhnak ding caah mumai tuah ding, thil pakhat khat tuah tikah nu zatuak 30% tel nak ca tha pek ding, nu pawl namneh in holhrel le thiltuah mi paoh kham nak ding ca mumai chiah ding le nu le pa tlukruannak a um khawh nakding caah nu pawl an sining cawisan le an thilti khawhnak thancho ter ding timi pawl an si.
Ramkhel kong a ceihmi panglong conference palai pawl nih an ceih tikah ralkap lei in ramkomh (Union) biafang lawng hman si loin Myanmar ramkomh (Union Myanmar) timi biafang hman ding an duh i cu ti kan hman lo ah zei ramkomh timi a fiang lo caah Myanmar ramkomh timi kan hman a herh tiah biasi an phiar tiah theih a si.
Hi bantuk tiang in lungtlinnak lak le ceihmai a si tikah remdaihnak civui pi i a theipar hi cu tuan ah a chuak kho bal lai lo tiah ramkhel lei thiamsang tampi nih an chim.
Nili chung conference an tuah cang i chawlehthalnak lei kong lawngah hnatlaknak an tuah kho i zatlang thanchonak lei ah hnatlaknak pahnih an tuah khawh tiah theih a si.
Tu bantuk in hnatlaknak an tuah khawh lo caah July 15 ah UPDJC timi hi conference tuah nak ding ca tlangtla tu committee pawl ton biaruahnak an tuah tiah theih a si.
Ref: BBC Burmese
About The Author
