Captain telh in SAC ralkap 6 Cobra Column nih an tlaih hna
The Chinland Post | 2022 September 12 – Karen ram, Myawaddy peng, Myawaddy-Wawlay lam in a rak lutmi SAC ralkap 6 cu Cobra Column nih hriam he September 9 ah an tlaih hna tiah Cobra thawngthanhnak rianngeitu Ko Myo Thuya nih RFA a chim.
SAC division 44 kuttang, LIB 102 in Captain Ye Yint Maung telh in ralkap 6 cu September 9 zinglei sml 10:30am ah KNLA le Cobra Column phufonh nih an tlaih hna hi a si.
SAC ralkap 6 cu MA zuun 6, 40 MM kuan, 60 MM kuan telh in hriam le zen an rak phor.
September 9 zaan ah SAC kahdohnak vanlawng pakhat cu Myawaddy peng, Balato khua pawngah bom voihnih an thlak i Cobra hriamtlai 1 hliam a tuar.
SAC kahdohnak vanlawng Mig-29 B tiah ruahdamh a si i 500lb a ritmi bom 2 a thlak tiah theih a si.
About The Author
