Caw, Na Zuarzamhnak Kongah Uknak Le Palek Lei Rianpek Mi An Hnon Cang

TCP-Thantlang| 2019 May 30| Caw, Na zuarzamh le phurhtlunhnak kongkau ah Uknak zung le humhimnak vengtu(palek) nih tawlrelmi le an nawlngeihnak cu hnonpiak a si cang tiah cinthlaknak, zuatkhalhnak zungpi nih May 22 ni ah thanhca a chuah.

Caw le Na a zuarzamhtu hna nih palek le penguk zung sin ah nawlhal ta hau ti lo in  le ngandamnak lei theihpinak ca an i ken ah cun zalong tein zuarzamh le phurhtlunh khawh a si tiah U Hla Tun nih a chim.

“Zuatkhalhnak lei a thancho khawh deuh nakhnga a tubank in kan dorh hi a si. A ngandam mi a si timi theihpinak ca an i ken ah cun a za. Thanhca chuah mi bantuk in sa thahnak License zong kan hnon tinak a si. Nawlchuah mi zong an zulh a herh bantuk in a zuarzamhtu hna nih harnak an ton sual ah cun theihternak an kan tuah i upadi ningin kan tawlrel colh lai” tiah U Hla Tun nih a chim.

A dangdang satil zong cinthlaknak, zuatkhalhnak zung nih tawlrel in tlaih a si cang lai caah 1966 kum lio ah palek le uknak zung kut ah rak pek mi Caw, Na zuarzamhnak le nawl pek mi zong hnonpiak an si cang.

“Atubnatuk in an kan tawlrelpiak nak thawng in phurhtlunnak kongah a tlamtling ngai cang. Voi dang bantuk in tihphannak a um ti lo pin ah eihmuarnak kongkau zong a zor deuh cang lai” tiah U Taung Khaing nih a chim.

Kawlram nih a tubantuk in Caw le Na cu Bangladesh, Malaysia le Thailand ram deuh ah kuat in an zuar deuh nak hmun a si. 2017 October 9 ni thok in ramleng ah kuat ding tiin cazin pek cang mi Na (59,549) le Caw (483,196) tluka  si i kumkhat cungah sing khat leng ramleng ah Caw le Na an khawh tiah kan theih.

Ref: Irrawaddy

Leave a Commnet

%d bloggers like this: