CCU Graduation Day Ah Minung 103 Degree Le Minung 12 Award Pek An Si
Salai Aung| 2019 March 15| March 17 (Sunday) zanlei suimilam 2:00 in HBC (Hakha Baptist Church) ah tuahmi avoi 26nak Chin Christian University (CCU) graduation day ah siangngakchia minung 103 degree pek le minung 12 minthatnak award pek an si tiah kan theih.
Tukum degree a lami hi Mi.Div in minung 7, B.Th in 10, B.Min in 2, Dip.Th in 17, BAE in 3, BBA in 12, Dip-Eng in 10 le Dip-BA in 42, an zapi minung 103 an si. Dr. Bawi Hu le Pu Stephen Ni Kio zong CCU nih a hmasa bik Master of Literature (M.Lit) degree an pek hna.
CCU sianginn nih Degree a rak pek cangmi hna hi 2019 tiangah minung 1382 an si. Hmailei ah Master of Arts in Christian Studies zong kum 2 kai in tuahchap rih ding timhlamhnak an ngei. Mah tik ahcun Bachelor a dih cangmi paoh nih kai khawh a si lai tiah kan theih.
Tukum CCU Graduation Day Ah Award Cotu Minung 12 cu;
- David Van Bik Award: 1. Sui Tin Zi (BThIV) 2. Zin Mar Khain (M.DivIV).
- CACC Award: Mary Zai Hnem Sung (BBAIV)
- CCU award: Mai Khin Yadana Moe Naing (MDivIII).
- HBA Award: Biak Hlei Sung (Dip ThIV)
- Hornbill Award: Tluang Chin Sang(BThIV)
- Alumni (AAC) Award: Van Cer Meng (Dip ThIV)
- Hrangzel-Kim Award: Thla Hmung (BThIII)
- M.Div First Batch Award: Vel Cung Thawng (MDiv III)
- 2017 friends Forever Award: Bawi Len Tial (BAE III)
- 2016 Class BAE Award: Sui Chin Sung (BAE IV)
- Tial Fam Bor Award: Rem Chin Sung (BAE IV).
CCU ah caantling siangcachimtu (Teaching faculty) hi 22 an si. Working staff hi 11 an si. Caanlaak riantuantu hi 23 an si. Lamhlat (further studies) sianginn kaimi hi minung pahnih; William Khen Chum Bik (Ph.D, USA) le Van Neih Thang (MBA, Yangon) an si. Atu lio CCU President cu Dr. Henry Siang Kung a si.
About The Author
