Chin Miphun Ni Hlasa Ding In Kawlram Hlasak Thiam Minung 6 Hakha An Phan Cang

0

City Hunter| 2018 February 18| Hakha ah tuahdingmi tukum Chin Miphun Ni ah hlasaknak ngei ding in Kawlram hlasak thiam minthang 6 le ringawn tumtu ding Doron band cu P. Cung Lian Thawng thithruainak in Hakha an phan cang.

“Tukum, Chin Miphun Ni hlasatu ding ah Kawlram hlasak thiam minung 6 le ringawn tumtu ding Doron band cu an rak tlung cang. Hlasa ding in a rak tlungmi hna cu; David Lai, Thawng Za Hnem Sung, Chan Chan (ခ်မ္းခ်မ္း), Irene Zin Mar Myint, Aung Htet le Zeyar an si. Doron band cu kanmah Chinmi Mang Za Kam te an si. Anmah 6 leng ah Laihlum hlasak thiam minung 6 sawm chap rih an si. Cu hna cu; Paling, Tawk Men, Biak Tha Cuai, Jolie Ngun, Mercy le keimah kan si lai” tiah Chin rocker hlasak thiam P. Cung Lian Thawng nih The Chinland Post ah a chim.

Telenor phone company bawmhchanhnak in a hmasa ahcun Sung Tin Par, R. Zar Ni, Phyo Phyo Kyaw Thein le Tin Zar Maw an sawm hna nain an si thiam lo. Cun, Chin hlasak thiam Tun Kham zong sawm a si nain a si thiam than lo tiah kan theih.

Tukum, Hakha Chin Miphun Ni hlasak nuamhnak cu February 19 le 20 zan ah a si lai. Telenor 4G hunnak program he pehchih in February 21 zong hlasaknak an ngei kho rih men tiah kan theih.

Cozah lei nih ks. sing 200 tluk lawng budget an chiah ruang ah mi tam deuh le minthang deuh pawl an sawm khawh hna lonak hi a si tiah kan theih.

About The Author

Na ruahning rak langhter ve.. (Leave a comment)

%d bloggers like this: