Khuangcawi Ding Mai Run Sung Hmanthlak (16)
City Hunter| 2018 February 17| 2018 February 20, Hakha ah tuahdingmi Chin Miphun Ni ah Hakhathar in khuangcawi dingmi Mai Run Sung @Aa Sung hi aa dawh nan ti cio ve maw? Hika ah a hmanthlak aa thlak tharmi pawl kan hun in hrawmh hna.
Mai Run Sung @Aa Sung hi Hakha Khuahlun a si, 2015 kum Hakha rawhralnak a chuah ruang ah atu cu Hakhathar ah an um cang. Aa Sung hi Hakhathar Pu Ni Khuai le Pi Hoi Vang i an fale pa 5 lakah fanu hniang bik a si. Kalay University, Physics major in 2014 February thla ah B.Sc degree a la. Atu hi Chin ramkulh cozah zung (General Administration Department-GAD) ah cazi (LD) rian a tuan liomi a si.
Aa Sung hi kum 25 a si, 1992 August 14 ah a chuak. Volleyball bengh le hlasak a zuam ngaimi a si. Aa Sung hi pe 5 letmah 2 a sang. Atu a riantuannak GAD lawng ah si lo in an Khrihfabu zong ah an i bochan ngaimi le mino cawlcanghnak kip ah aa teltum khomi a si.
Khuangcawi dingmi Mai Run Sung nih, “Kanmah chungkhar an kan thim tikah kan khuaruah a har, kan lau ngai. Kei hi zei lei paoh ah hawi tlukmi ka si lo. Cu bantuk ka si ko bu ah sangmi nih hnakkar tenh le dawtnak he khuangcawi ding in a kan thimmi cung ah kaa lawm tuk” tiah The Chinland Post ah a chim.
Hngalhternak: A cunglei hmanthlak pawl hi The Chinland Post theihternak le nawlhal ta lo in kan hmanpiak sawh hlah uh.
About The Author
