Chin National Council- Mindat Dirh A Si Cang Tiah Mindat Peng Mipi Uknak Phu Nih Cathanh An Chuah
Salai Mangpau| 2023 August 7 — Chin National Council- Mindat dirh a si cang tiah Mindat peng mipi uknak phu nih August 6 ah thawngthanhnak a tuah.
SAC ralhrang ci hmit vir ding timhtuahnak he dohthlennak lamthuam ah zeimawzat teinak kan hmuh cang caah a ra lai ding mi Chin miphun nih Federal ramkhelnak biaceih ding le nuhrim covo kong le cozah sernak kong ah khuakhan leirelṭi khawh nakhnga Mindat peng hruai ding in Chin National Council- Mindat cu dirh a si tiah an chim.
CNC-Mindat bu dirhnak ah ramchung ramleng dohthlennak bu vialte komh mi CNC-Mindat bu cu dirh a si bantuk in, ramchung ah a sangbik mi nawlngaihnak hmual a ngeitu bu a si lai tiah an langhter.
Chin ramkulh, Mindat peng cu Federal Democracy dohthlennak ah hmualngei ngai in dohthlennak a tuah, Midat pengchung ah mipi uknak, raldohnak, biaceihnak, Mipi humhimnak le mipi bawmchannak ah pengchung hriamtlai bu le ramchung ramleng komh in dohthlennak caah lungthin khat in rianṭuanṭi an sinak zong thawngthanhnak a tuah.
About The Author
