Mindat Peng Kahdohnak Ah SAC Ralkap 8 An Thi Police L.t Colonel Hliam A Tuar
Salai Mangpau | July 31, 2023– Chin ramkulh, Mindat peng July 30 ah kahdohnak voihnih a chuak i cu kahdohnak ah cun SAC ralkap 8 an thi. Mindat district police bawi ngan L.t colonel Aung Myat Tu cu hliam a tuar fak ngai tiah CDF-Mindat nih thawng an thanh.
July 30, zinglei suimilam 7:25 ah Mindat hrambunh keralkap battation 274 pawng ummi SAC ralkap hna cu CDF-Mindat nih an va kah hna. Kahdohnak ah SAC ralkap 1 a thi i, CDF-Mindat lei in ralkap 2 hliamhma an tuar. Zanlei suimilam 3:40 ah Mindat khuachung sang pakhat ah ral vennak a tuahmi SAC ralkap le palik nih an zulhmi motor pakhat cu CDF-Mindat nih an kah ṭhan hna i SAC ralkap 7 an thi. SAC ralkap a thi mi ruak le hliamtuar mi ah police mi 4 hna cu motor in an kalpi hna. SAC ralkap motor le hriamnam cu kan la kho lo, motor cu aa rawk tiah CDF-Mindat nih an thanh.
Hliamtuar mi police district bawi L.t Aung Myat Tu cu mitha lo misual min pu bawi pakhat a si. A mit, a hmai lei ah hliam a tuarnak a si i a tu Mindat sii inn ah a thlop lio tiah theih a si.#
About The Author
