Chin Ramkulh Ah Naupawi Pathum Chung Ah Pakhat Paoh Cu Thisen Der Zawtnak An Ngei

Salai CungCung|2019 June 6| Chin ramkulh chung ah naupawi minung 3 chung ah pakhat paoh cu thisen der zawtnak an ngei tiah kan theih.

Nu nau an pawi caan ah a herh mi vitamin tha tein an ngah khawh lo caah Chin ramkulh chung naupawi pawl tubantuk in thisen thazaang der zawtnak an tuar hi a si tiah SUN CSA Myanmar Chairman U Aung Myat Kyaw nih a chim.

“Tam deuh hi fa an pawi lio ah a herhmi taandat a tel mi sa pawl an hmu  lo. An hmuhlonak a ruang cu a caan caan ah nuphung lei kap hoih in an ei lo zong a um, an hrial. A cheukhat cu ei ding an theih ko nain a ruang tampi ruang ah tangka lei in maw ei din awk lei har ruang ah tibantuk in an ei khawh lo caah hi bantuk zawtnak hi a chuak” tiah SUN CSA Myanmar Chairman U Aung Myat Kyaw nih a chim.

Chin ramkulh chung naupawi pawl cu taandat chambau ruang ah Hemoglobin timi  thazaang a der caah thisen thazaang dernak a chuak i naupawi mi hna cu fa ngeih tikah thazaang chuak kho lo, thazang dih. Fa ngeih hnut tibantuk an um caah a nu le a fa an thi tibantuk a chuahter tiah U Aung Myat Khaw nih a chim.

Chin ramkulh ah ngandamnak lei siimanking a tawlrel lio mi Karuna Mission Social Solidarity (KMSS) Hakha in Daw Kyi Kyi Aung zong nih naupawi hi vitamin i tluk in ei khawh lo le a za tawk in ei khawh lo caah tubantuk thil chuak hi a si tiah a chim.

Chin ramkulh 2018 lio ah nu naupawi a thi mi minung 16 an si i a tam deuh hi nau ngeih hnut ruang le Thisen der ruang ah an si tiah Chin ramkulh ngandamnak lei zung in kan theih.

Ref: Khonumthung

Leave a Commnet

%d bloggers like this: