Tukum Chinram Tanghra Result A Luancia Kum 5 Chung Ah A That Bik Kum A Si

Tawk Tling Thang| 2019 June 8| Tukum – 2019 Chinram tanghra result cu a luancia kum 5 chung ah a that bik kum a si. Zatuak 19.59% an awng tiah kan theih.

Tukum Chin ramkulh in tanghra a phimi dihlak hi 10771 an si i a awngmi 2110 an si, zatuak in 19.59% an si. Asinain, Myanmar ram chung ah result chia bik cu Chin ramkulh thiamthiam a si. Myanmar ram chung ah result thabik cu Foreign in a phimi an si, 119 an phi I 55 an awng, zatuak in 46.22% an awng. Ramkulh le ramthen dirhmun in result tha bikmi cu Mon ramkulh a si, 28821 an phi i 10819 an awng i zatuak in 37.54% an awng. Kumtinte Mon ramkulh hi result tha bik lengmang an si.

Tukum Chin ramkulh ah marksang (distinction) hmuhning zat cu; 5D-1, 4D-1, 3D-4, 2D-39 le 1D-208 an si.

Kum 5 Chung Chinram Result

2015 kum ah 9638 an phi i 1720 an awng, zatuak in 1785% an awng. 2016 kum ah 9846 an phi i 1414 an awng, zatuak in 14.36% an awng. 2017 kum ah 9725 an phi i 1852 an awng, zatuak in 19.04% an awng. 2018 kum ah 10168 an phi i 1692 an awng i zatuak in 16.64% an awng. 2019 kum ah  10771 an phi i 2110 an awng, zatuak in 19.59% an awng. Kum 5 chung ah zatuak in result a that bik kum a si.

Leave a Commnet

%d bloggers like this: