Myanmar Ram Pumpi Believers Church General Assembly Cu Hakhathar Ah An Tuah Lai

0

City Hunter| 2018 March 20| Avoi 44nak Myanmar ram pumpi Believers Church General Assembly khawmpi cu March 23-25 tiang Hakhathar, certual ah an tuah lai. Bishop Dr. CK No Chum telh in ramleng lei in Pathian nih mizaw damter khawhnak a pemi hna le hlasak thiam PBK Liankhuma, Sarah Van Tin Hnem, Sui Hlawn Rem, Daisy Lalbiaknungi le Thelma Lalhmingthangi zong an i tel kho lai tiah kan theih.

“Tutan General Assembly ah thawngtha chimtu ding cu; Believers Church Myanmar, National Bishop le GFA FC a ngeitu Bishop Dr. CK No Chum, Rev. NC Thawng Tha Thang pin ah ramdang in Rev. Roker King, Apostle Stacey Carver, Apostle David Kenny an si lai. Cun, ramleng in a rami hi Pathian nih mizaw damh khawhnak a pekmi zong an si. Hlasatu ding hi PBK Liankhuma, Sarah Van Tin Hnem, Sui Hlawn Rem, Daisy Lalbiaknungi le Thelma Lalhmingthangi an si lai. Pathian mi hman hlasak thiam hna pin ah Pathian nih mizaw damh khawhnak laksawng a pekmi ramdang mi nih caan an hman lai caah mi zei paoh rak i tel le thangthatnak rak ngeih cio khawh a si. Taksa, thinlung, thlarau damnak a ngei lo paoh nih rak fuhpanh cio ve ding in kan in sawm hna” tiah Hakhathar BCM Pastor Van Lian Bik nih The Chinland Post ah a chim.

“Tutan ah khual lawng hi a tlawm bik minung 1500 tlung kho ding in kan tuak. US lei in a rak tlung dingmi thawngthachimtu hna hi cu March 21 asiloah 22 khi Hakha an rak phan cia kho men. A dang cu March 23 ah an phan cio te hna lai. Tutan ah Ordination peknak, Rev. peknak le Pastor peknak tibantuk zong kan ngei chih lai. Pumh caan hi chun ah voikhat le zan ah voikhat a si lai” tiah a biapeh ah a chimchih.

Avoi 43nak BCM General Assembly- khawmpi cu nikum ah Thantlang peng Vanzang khua ah an rak tuah tiah theih a si.

BCM Hakha district khawmpi cu 2018 February zarhhnihnak, Hakha peng, Lei-um khua ah an rak tuah. General Assembly siseh, District siseh, area siseh khawmpi hi kumkhat voikhat lengmang an tuah tiah kan theih.

About The Author

Na ruahning rak langhter ve.. (Leave a comment)

%d bloggers like this: