Chin Ramkulh Telh In Kawlram Chungah Nu Naucung A Thimi An Karh

TCP-Thantlang| 2019 July 16| Nu nau pawl a thimi a zor lei a panh deuh nain nau cung in thimi an karh lei a si ve tiah  Vice President U Myint Swe nih Naypyitaw ah tuahmi Vawleicung milu (World Population Day) ni camtuak caanhmannak ah a tu bantuk in a chim hi a si.

Minung thutdirnak le ngandamnak kongkau hlathlainak cathanh chuahmi chungah ngakchia ngandam tein a chuah tertu hringtu nu a thimi singkhat (100,000) ah 178 cu a zor lei an panh deuh nain  nu cung in a thimi hringtu nu a thimi hna tu cu a karh lei a panh deuh” tiah a chim.

Kawlram chung huap in hringtu nu le a thimi hna hlathlaimi zoh tikah 1990 kum ah hringtu nu singkhat (100,000) ah 435, kum 2014 milu relnak cazin ning in  hringtu nu le singkhat ah 282 tluk an thi cang tiah theih a si.

Hringtu nu le a thi mi chungah a tambik hna cu Chin ramkulh, Irrawaddy ramthen le Magway ramthen an si. Kawlram  cu Asian ram he epchun tikah hringtu nu a thimi zatuak in a karh lei a panh deuh.

Cucaah hi bantuk thihnak cu a ruang kawlhawl in a zordeuh nak ding ah ahlankan in ralrinnak le fimchimhnak zong kan tuahtuan lai tiah Lah-wa-kah zung ramkomh vuanci U Thein Swe nih a chim.

Hringtu nu le hna nih nau hrinvarhnak sii hmangmi 1991 kum ah zatuak 16 tluk an si i 2015-2016 kum ah zatuak 51 tluk an si ko nain a karlak ah an herhmi le chambaunak dangdang zong an tong rih tiah kan theih.

(Ref:the fifth wave news)

Na ruahning rak langhter ve.. (Leave a comment)

%d bloggers like this: