Tih A Nung Chin Lengmang; H1N1 Zawtnak In Minung 59 An Thi Cang
The Chinland Post| 2019 July 18| Myanmar ramchung ramkulh le ramthen 7 ah H1N1 zawtnak hrik in July 17 tiang ah 59 tiang an thi i Yangon ramthen ah a thimi an tambik tiah Ngandamnak zung nih an thanh.
July 15 tiang ah minung 54 an thi. July 16 ah Mon ah 1, Kachin ah 1, July 17 ah Yangon ah 3 an thih chap caah a thimi zapi hi 59 an si cang.
Myanmar ramchung H1N1 zawtnak hrik in an thihnak ramkulh le ramthen cu Yangon, Ayeyarwaddy, Kachin, Pago, Magway, Mon le Sagaing ramthen an si. Hi chung in Yangon ramthen hi minung 46 in a thimi an tambik. Myanmar ramchung ah 2019 January 1 in July 17 tiang H1N1 zawtnak hrik ngeimi hi 296 an si.
Myanmar ramchung 2017 kum ah tlangrai zawtnak chekmi 1165 lakah 458 nih zawtnak hrik an ngeih. Hi chung in 406 cu H1N1 zawtnak hrik an ngei i 38 an thi. 2018 kumchung tlangrai zawtnak chekmi 367 lakah 118 zawtnak hrik hmuh an si i cu chung in minung 13 an thi. Ref: 7Day News, Xinhua News
About The Author
