Chindwin Tiva Chung Ah SAC Tilawng 3 Hriamngan In An Kah
The Chinland Post | 2023 August 28 — Sagaing ramṭhen, Myaung peng, Chindwin tiva chung ah SAC ralkap tilawng 3 cu RPG le Rocket pawl in an kah hna tiah MSPDF nih thawng an thanh.
August 25 zinglei sml 10:20am hrawng ah Chindwin tiva chung, Monywa Minthauk hlei in a rak chuak mi SAC tilawng 3 cu Myaung peng chung MSPDF, Myingyan pengkomh B03 le Myingyan pengkomh B08 hna nih RPG, Rocket pawl in an bawh hna i an kah hna tiah theih a si.
Kahdohnak chung ah SAC lei a thi mi an um kho i thil sining a fiang in theih a si rih lo, mipi hriamtlai lei him tein an kir kho tiah MSPDF nih thawng an thanh.
About The Author
