SAC Lutlai Ralbawi 7 Thlennak An Tuah Ṭhan
Salai Mangpau | August 28, 2023 – SAC bawizik Min Aung Hlaing nih August thla dih zarh ah SAC lutlai ralbawi 7 thlennak a tuah ṭhan. SAC bawizik nih August thla hramthawk ah ralbawi 22 cu thlennak a rak tuah cang i, atu ah ralbawi minung 7 thlennak a vun tuah than hi a si.
Tilawng Ralkap Lubik Thlennak
SAC bawizik nih August thla zarh dihnak lei ah tilawng ralkap bawibik General Moe Aung cu a dinh ter i, amah a changtu Lieutenant General Zwe Win Myint cu ti lei ralkap bawibik a ṭuan ter.
SAC nih uknak a lak hlan deuh ah tilawng ralkap bawi bik cu General Tin Aung San a rak si. SAC uknak a lak hnu 2021, February 3 ni ah Min Aung Hlaing nih General Tin Aung San cu rian a dinh ter. Amah aiawh ah General Moe Aung Ko a ṭuan ter.
General Mon Aung Ko hi SAC ti lei ralkap bawi bik a ṭuan kum 2 hnu ah rian an dinh ter i, amah aiawh ah Lieutenant Zwe Win Myint a ṭuan ter than.
“Lieutenant General Zwe Win Myint cu atu tilawng ralkap bawi bik a tuan ter. General Mon Aung Ko ngeih mi UAB bank cazin an check lio. Atu ralbawi thlennak an tuah hi kan hnu thla hrawng ah a si cang. Thawngpang a chuah lo caah theih a si lo. SAC nih thawngthanhnak a tuah mi SAC Central Committee lio ah an min a rak um lo. Cun atu hi General Moe Aung Ko cu zeibantuk rian a pek ti theih a si lo tiah Ayeyarwaddy Times nih a chim.
General Moe Aung Ko hi hlan ralkap bawizik Senior General Than Shwe chan lio USDP party lutlai bawi U Aung Taung fapa lak ah upa cem a si. UAB bank hi a nau pa U Nay Aung dirh mi a si.
Naypitaw in awh a tong mi Lieutenant General Htey Za Kyaw
Lieutenant General Htey Za Kyaw hi hlan ah Pathien hrambumh South-Western Commander a si. NLD mipi cozah chan lio ah Northern Commander a ṭuan. Ei hmurnak kong buainak a ngeih ruang ah South western Commander General Htey Za Kyaw cu Northern Commander ah rian an pek.
Mah hnu ah Min Aung Hlaing nih Lieutenant General rian sang a pek. No. 1. Bureau of Special Operations Command lutlai (ကစထ-၁ မှူး) rian an tlaih ter. Amah nih cun Myitkyina hrambunh Northern Command, Monywa hrambunh North Western Command, Mandalay hrambunh Central Command tiah Command 3 lutlai a si. Mah rian hi Min Aung Hlaing nih a zumh bik mi ralbawi thim in a pek mi rian a si. Nihin Kahdoh a zualcemnak Kachin, Sagaing, Mandalay, Magwe le Chin ram pawl kahdohnak ah nawl ngei bik tu No. 1 Bureau of Special Operations Command a si.
July thla, Northern Commander Major General Ko Ko Maung te phu tlaih lio ah a zumh cem mi Lieutenant General Htey Za Kyaw cu tliah a rak tong ve.
Thlakhat a ruah hnu ah No. 6 Bureau of Special Operations command ကစထ – ၆ lutlai ah rian pek than a si. Atu rian hi Naypitaw Command pakhat lawng a uk lai i, Naypitaw runvennak ah a biapi tuk mi hmun a si.
Regional Military Commands ralbawi 4 thlennak
SAC nih uknak a lak hnu ah Bureau of Special Operations ကစထမှူး an thlen than hna.
- 1 Bureau of Special Operations ကစထ – ၁ မှူး ah Central Commander Major General Ko Ko Oo cu Lieutenant General rian an kai ter i, No. 1 Bureau of Special Operation Commander rian pek a si caah Central Command ah Pathein peng hrambunh Southwestern Commander Major General Kyi Khaing an ṭuanter. Southwestern Commander ah Naypitaw Commander Major General Wai Lin ṭuan ter a si.
SAC Myawaddy tilawng ralkap camp ralbawi telh in 60 cu ralvennak an kal lio ah SAC an chuak tak i an tlik caah Dawei hrambunh Coastal Commander Major General Saw Tan Hlaing cu Naypitaw Commander ah amah hmun ah Bahthu ralkap training sianguk cu rian pek a si.
“Atu bantuk in rianṭhial mi ralbawi, tlaih a tong mi rawlbawi pawl zoh tik ah Min Aung Hlaing nih a kuttang rianṭuan ralbawi pawl a zumh ti hna lo ruang ah a si ko”tiah CDM Captain pakhat nih Ayeyarwaddy Times ah a chim.
Photo- Bureau of Special Operations No.6 commander thar Lieutenant General Htey Za Kyaw le Bureau of Special Operations No. 1 Central commander thar Major General Ko Ko Oo
About The Author
