Chinmi Pathum Nih Biology In 6D (all Distinction) An Hmuh
Tawk Tling Thang| 2019 June 8| 2019 kum Myanmar ram pumpi tanghra result cu June 8 zingka ah a chuak. Atu zingka suimilam 7:30 tiang ah The Chinland Post nih kan hlat khawhmi chung ah Chinmi pathum cu Biology in 6D (All Distinction) an hmu tiah thawng kan theih.
Yangon, Insein sianginn in Matupi khuami Zaw Bawi Lian nih Biology in 6D (All D) a hmuh. Kalay-YCW private sianginn in May Tha Mon (@Lalthlamuani) nih biology in 6D (All D) a hmuh. May Tha Mon hi Rev. Lal Thlan Hlua le Pi Nun Hlimi fanu a si. Kalay, Shwe La Minn sianginn in Sing Mun Thang (Zomi) nih Biology in 6D (All D) a hmuh. Mandalay, Ayechan Tharsan in Falam nu Gracy Van Siang Mawi nih 5D a hmuh ve. (A hmasa ah 6D tiah kan rak tialpalh sual_ 5D lawng a rak ngah).
Chinmi chung in 6D a hmumi kan hngalh chap ahcun The Chinland Post nih careltu mizapi sin ah kan rak thanh chap than te lai. Nan hngalhmi an um ahcun The Chinland Post (09252081497/09449922794) ah thanh le pehtlaih khawh kan si.
Cover photo i a hriangbik nu te khi 6D si lo in 5D a hmumi tu a rak si.
2018 kum ah Chinmi chung in 6D hmutu hna;
- Sagaing ramthen, Tamu inLhing Nei Hoi hi Biology subject in 6D (All D) a hmu. A pa hi Pu Benjamin a si.
- Yangon ramthen, Insein in Salai Samuel Van Lal Nun Zir Lianhi Biology subject in 6D (All D) a hmu. A nu le a pa cu Pu Bawi Uk le Pi Thawng Par an si.
- Pyin Oo Lwin ah tanghra a phimi Matupi khuami Nan Hein Kham Sanhi Biology major in 6D (All D) a hmu.
- Monywa ah tanghra a phimi Mai Cer Hlei Ianghi Biology major in 6D (All D) a hmu. A nu le a pa cu Pu Lian Thang le Pi Thla Zing (tleicia) an si. Amah hi Hakha khuathar sang ah a ummi an si.
- Sagiang ramthen, Kalay in Nu Ning Hau Cinghi Biology major in 6D (All D) a hmu.
- Sagaing ramthen, Kalay in Thawng Shan Tuai Cinghi Biology major in 6D (All D) a hmu.
- Yangon ramthen in Lia Chung Muan Kim @Muanmuanhi Biology major in 6D (All D) a hmu. A nu le a pa hi Pu Ngo Cin Khup le Pi Lal Ven Zual an si.
- Mon ramkulh ah tanghra camipuai a phimi Mai Bawi Nun Mawihi Bilology major in 6D (All D) a hmu. A nu le a pa cu Pu Ral Kai Thang le Pi Sui Hlawn Rem an si. A kainak sianginn cu Paramy ah a si. Mon ramkulh ah mark sang bik a hmutu pathumnak a si, mark 534 a hmu.
- Sagaing ramthen, Kalay in Salai Calvin Thanghi Biology major in 6D (All D) a hmu. A kainak sianginn cu Kalay, Tahan sang, YCW private sianginn ah a si. A nu le a pa cu Pu Tial Ci Thang le Pi Mal Sawm Thang an si.
2017 kum Chinmi chung in 6D a hmutu hna
Biology major in 6D (All D) an hmuhmi subject hna cu; Myanmar, English, Mathematics, Physics, Chemistry, Biology an si.
The Chinland Post nih kan hngalh khawh tawk ah 2016 kum ah Chin miphun chung in 6D a hmumi minung 9 an si, 2017 kum ah minung 5 an si.
2017 kum ah 6D a hmutu hna cu; Khup Hau Nuam, Mai Ei Dara Tin, Zil Sian Taang, Mai Lal Nuam Mawi le Jasmine Kan Hngunt @ Ju Ju an si.
2016 kum ah 6D a hmutu 9 cu; Phua Thae Lian, Nawl Bik Thang, Thawng Luai Mang, Vung San Lun, Thawng Suan Muang, Pau Sian Muan Sing, Thang Hau Sum, Joshua No Hre Thang le Thawng Nawl Mang an si.
Biakilh: Teinak ahmutu, marksang (Distinction) hmutu le awnnak a hmutu zapi The Chinland Post nih kan in lawmhpi hna.
Ref: The Chinland Post, Zalen
About The Author
