Thantlang Peng Tikir, Hnaring Telh In Minung 61 Tanghra An Awng

Salai Elvis| 2019 June 8| 2018-2019 cacawn kum ah Thantlang peng chungin tanghra phi mi sianginn Tikir, Hnaring telh in minung 61 tanghra an awng. Thantlang khuachung phi mi in minung pathum nih Distinction (kung-tthu) pakhat cio an hmuh tiah kan theih.

Thantlang khuachung in tukum tanghra phi mi minung 265 chungah 45 an awng i hi chungah Geography Subject (Pa-tha-win) in Distinction (kung-tthu) pakhat cio minung pathum nih an hmuh. Hnaring ah tanghra phimi minung 130 chungah minung 11 an awng, cun Tikir khua ah 56 an phi i minung 5 an awng.

Thantlang peng chungah tukum tanghra camipuai phi dingin cazin a chuak mi Pa 239, Nu 288 an dihlak 527 an si nain camipuai a phi takmi ani khatnak (March 6) ni ah a phimi minung 451 lawng an si. Camipuai an phit chungah nikhat hnu nikhat phi lo in siangngakchia a bau mi an tam. 2017-2018 cacawn kum ah Thantlang peng in chungin tanghra phimi 299 chungah minung 38 an rak awng. Nikum nakin tukum hi a awngmi result a tha deuh tiah kan theih.

Tukum Chin ramkulh in tanghra a phimi dihlak hi 10771 an si i a awngmi 2110 an si, zatuak in 19.59% an si. A luancia kum 5 chung ah result a that bik kum a si.

Hika a tanglei ah Thantlang peng tanghra awngmi cazin an si. 

Leave a Commnet

%d bloggers like this: