COVID-19 He Ton Biaruahnak
COVID-19 He Ton Biaruahnak
Biahaltu – Tawk Kam (TK)
Tonak hmun – Hakha
A Ni – 17 August 2021
Biahalnak le Bialehnak
TK – Pu Covid ..Na chuahkehnak kong na kan chim kho lai maw?
COVID – 2019 kum ah khan Tuluk (China) ram Wuhan khua ah ka chuak.
TK – Na min COVID- 19 ti hi a saunak in kan chim law kan duh ko.
COVID – Coronavirus Disease (COVID- 19) ti a si i 19 hi cu ka chuah kum 2019 kha an ka sakmi a si.
TK – Na riantuanmi biapi bik na kan chim kho lai maw?
COVID – Minung an pumchung ah va luh in an cuap an lung vialte va ei i a nunnak tiang va lak khawh kha a si ko.
TK – Mibu tonnak ah zei tin dah rian na tuan bik?
COVID – Dawr thil cawknak phaisa ah kaa benh, an duh nak poah ah phaisa he an ka sanh chih ko i a hnu ah cun an ka chung tiang ka va phan.
TK – Pumpak cio an hmanmi thilri in na riantuannak a um rih maw?
COVID – Aw si.. Leng chuah paoh ah an Kut (hand gel) i thuh le kut tawl cu an fel cio nain an Phone cu an tawl cio lo. Phone ah ka vaa benh i a hnu ah cun an ka chung tiang ka va phan.
TK – Mithi inn le ruakvuinak ah khin na hlawh a tling ngai lai tiah ka ruah?
COVID – Covid in an thih ahhin cun an i ralring tuk cang. Asinain Covid-19 silo in zawtnak dangdang in an thih tu ah hin cun an thut-um ning an zalong ngai i ka hlawh a tling khun.
TK – Tutan hi Pathian riantuan Pastor te an thi khun an ti cio zei ruang ah dah a si hnga, na kan chim kho hnga maw?
COVID – Aw si… ..hi na biahalnak hi hal phu te a si.. ”Pastor te an thih nak kong ah cheukhat ve nih cun “Pathian biaceihnak le danthatnak an tong” tiah a chimmi le Facebook hna ah a postmi ka hmuh hna. Kha tiin a chimtu pawl kha miding mitha an si hlei nemmam loh!
Pathian riantuantu an thih nak a ruang bik cu an Tuurun (Member) an dawt tuk hna ca bik ah a si. An member mizaw thla an camh hna i Oxygen an dop ding tiang in an khan pi rih hna, an thih tik ah zapi cu leng hmanh chuak ngam lo in inn ah nan i erhkhumh lio ah an tih bu tein an Member ruak an vui hna. Member zawnruah ruang ah thihnak ral kut an phak a si ko.
TK – Laimi sin ah biacah na kan duhmi?
COVID – Nan (လူမှုေရး) a tha. Lockdown chung zong ah nan zalong. A tu ning hin cun nan sin ah sau pah cam rih dawh ka si ko hih!
TK – Na rian tampi lak ah kan biahal na hun kan leh khawh caah kan i lawm tuk.
COVID – Kei zong kaa lawm tuk ve.
