Dr. Anna Sui Hluan ( Mrs, Vice President Myanmar) Thlacam piaknak ah kan telpi khawh ve_Moses Lian

Dr. Anna Sui Hluan US A tlawn lio Photo_Moses Lian

Editor Cakuat by Moses Lian June 29, 2019 zanlei 4:00pm-6:30pm ah United Pentecostal Churches, USA nih a vui 2nd General Conference pi cu INDIANAPOLIS ah hlunghlai in an tuah thawk. Cu an tuah hlan deuh ah kan pi/far Dr. Anna Sui thlacampiaknak an tuah hmasa. Cu an tuahnak ahcun Chin Community of Indiana zong an kan sawm ve caah kan Vice Chairman le Keimah kan kai kho ve. Kawlram ah a Rian tuannak tete tampi a kan chimh. Cun kawlram nubu hruaitu dirhmun in Europe ram hna an thlaih. Kawlram chung a rian tuannak lak ah kan mithmaikaa ah a ummi ruah awk kan rak theih lomi pakhat cu, Mitlamtlinglo (handicap) bawmhnak lam a chimmi hi asi. Wheelchair (Leng) a herhmi an bawmhmi hna hi ka lungah a cam ngaimi asi. Nan khua hna ah cu bantuk hna an um ahcun free in bawmh kan pek hna ati. Keinih ka chim duhmi tucu ziah kan khuaram kutke tlinglomi hna khi pumpak in kan bawmh khawh hna lo zongah i bawm cio in tuah dingah kan rak ruah khawh lomi tu nih khua a ka ruahter ngaimi tu asi.

Dr. Anna Sui Hluan

A rian hi an pa, Dr. Henry( Jesse pa) tluk in manh lo ngai in Miphunpi caah rian a kan tuanpiakmi asi ve. An nuvaa in miphunpi caah rian a tuantu an si. Thlacamnak in nan kan dirhkamhmi nih hin kan lam a kan tluantermi a si caah nan thlacamnak kan herh peng ko ee tiah bia a kan cah tak. Nizan upa pawl an i laklawhnak cu sawmnak ca an kan pekmi hi a si. CHIN UNITED PENTECOSTAL CHURCHES, USA 2nd General Conference tiah a cungbik ah an tar tik phundang in a ruat sualmi an tam caah a si rua tiah ka hmuhmi a si.

CCI zong nan kan sawm ve caah kan i lawmtuk ve. CCI cu Khrifabuu kip i nan department pakhat le nan fa le kan si. Dr. Anna Sui( Jesse nu) le Dr. Henry Van Thio nan miphun nih thlacamnak he kan in dirhkamh ko hna, raltha in hmaiah kan karpi ko uh.

Lawmhnak tampi he,

 

Moses Lian

Office Manager

Chin Community of Indiana

Leave a Commnet

%d bloggers like this: