Dr. Hmuh Thang Nih A Dum Chung Ah Tilionak A Tuahmi Sunglawi Ngai In Hunnak A Tuah

Salai Elvis| 2018 March 27| March 27 zanlei suimilam 1 ah MP palai Dr. Hmuh Thang nih Khualhring tlanglam innhmunva a dumchung ah tilionak a tuahmi cu sunglawi ngai in hunnak an tuah tiah theih a si.

Mah ni ah cozah zung riantuan lutlai, biaknak lei Pastor cheukhat, sangchung khuabawi, khuanu/pa le chungkhat sahlawh nih an telpi.

 

“Ka hmun ah mino he upa he nuamhnak phunphun le ngandamnak caah a herh ning in tlonlen le i nuamh khawh a si. Man a ngeihnak ding caah tilio man minung pakhat 1000 maw kan lak te hna lai. NGO, CSO le Biaknak lei an si ah nuamhnak le zan zongah chungkhar he riah khawh zong a si. Nuamh duh zong ah nga sa le vok zong tampi kan zuatmi a um. Hawi kom he biasawng tlorh pahnak caah inn zong a um i riah khawh zong a si. Asinain zuu din cu kan co hlang ve lo” tiah Dr Hmuh Thang nih TCP ah a chim.

Hi a dum chungah thingthei phunphun le tlor kung 1500 hrawng a cin chih. Hi tilionak hunnak ah pumhnak caan tawite an hman hnu ah mileng a rami paoh tilio nak an ngei i BBT le rawl zong an dangh chih hna. Atu bantuk in Thantlang khuachung ah tilionak CRDP nih rak tuah a si nain ti a thian lo ruang le thathi an zoh khenh lo i mino hna nih an fuhpanh tuk ti hna lo tiah theih a si. +++

Na ruahning rak langhter ve.. (Leave a comment)

%d bloggers like this: