May 29, 2024

Kalay Ah Hualngo Literature & Cultural Association Kum 50 Tlinnak Le Duhlian Holh Hmangmi Kutpui An Tuah Lai

0

TCP-Online| 2018 March 27| Kalay peng chung ah a um i Mizo-Duhlian holh a hmang i Chin kan si tiah aa pom mi hna bu Hualngo Literature & Cultural Association kum 50 tlinnak Jubilee le Duhlian holh hmangmi hna nih kum chiar te an tuah tawnmi Kutpui cu Sanmyo celhtual ah hlunghlai ngai in tuah an tim ti thawng kan theih.

Hi kong he pehtlai in HLCA ah President chang Pu Lalbiakthanga nih “Kutpui hi cu kum chiar te kan tuahmi si ko. Tukum hi cu HLCA kan dirhnak kum 50 tlinnak Jubilee he kemh chih in kan tuah lai. A ni cu March 28-29 tiang a si lai” tiah a chim.

Kutpui timi puai cu khrih kum 1550 in Chin ramkulh Falam peng Hlualngo miphun hna umnak tlang ah 1975 tiang sunglawi ngai in an rak hman tawnmi puai a si. Cu hnu in HLCA hohatnak in kum 5 chung pehtlai in an tuah khawh cang.

“Duhlian holh a hmangmi hna nih kan sunglawih bikmi kan puai a si. Duhlian timi cu miphun min pakhat a si i Kutpui cu zapi he aa pehtlaimi puai a si” tiah Pu Lalbiakthanga nih cun a chim.

Hi puai ah hin laamnak a phunphun le hlasaknak tibantuk in hlunghlai ngai in tuah an timh i Chin ramkulh CM le Hluttaw Speaker hna zong an sawm hna ti kan theih.

Ref:Khonumthung

About The Author

Na ruahning rak langhter ve.. (Leave a comment)