Facebook Tonghthamnak Ah Caan An Hman Tuk Nak Hnga Lo Nincang (System)  Thlen An Timh

Aung Aung| 2018 January 13| Facebook ah caan tamtuk an hman ti nak hnga lo a chung kan chiahmi thil ningcang (system)  pawl kan thlen lai tiah Face book company nih thawng an thanh.

Facebook a hmasa bik cahmai cungah kan tar ding mi hi chawlehthalnak lei pawl nak in chungkhar le hawikom pawl nih an chim mi pawl papek in kan tarlangh cang lai.

Cheukhat cu facebook nih a lem cang hna i thinlung lei dam lonak a ngei mi tiang an um phah cang tiah soiselnak a um.                 .

Hi bantuk thlenremhnak hi tuzarh chung ah thawk dawh a si cang.

Mark Zuckerberg (Facebook sertu) nih tukum chung ah kan thlen lai tiah a chim mi a si.

Mi cheukhat pawl facebook cung in ningcang loin thil an tonmi pawl le hi facebook an hman mi hi sullam ngei mi caan ah a can khawh nak ding kan tuah lai tiah a chim.

Cun Zuckerberg nih cun Cozah nih ningcang loin facebook an hman mi zong i runven ding in nawl a hal chih hna.
Facebook tibantuk Social Media kha hmang in Russia Cozah ti bantuk pawl hi internet ah biatak tein rian a tuan mi le midang khuhsilh aa timi an si.

Hibantuk pawl hi zeitin dah kan hrawh khawh lai i mizapi caah an herh mi thawngpang tu kan thanh khawh deuh hna lai ti hi a buai ngai mi pakhat a si.

A lak in thawngpang thanh timi hi harnak a chuah pi kho tu thil a si tiah a ruat tu zong an um ve.                    .
Facebook group ah thawngpang pawl hei thlah chin in an website leng ding in mi a lemsoi mi rian tuantu pawl caah cun thawngpang tha lo ngai a si ve.

Facebook hi thawngpang pawl tar len nak in a hlan lio bantuk khan pumpak cio nih hawi he i chawnh le pumpak catial mi pawl lawng chiah cang ding in Zuckerberg nih hin aa timhtuah mi a si.

Ref: BBC Burmese

Leave a Commnet

%d bloggers like this: