Falam sizung pi ah Covid mizaw 5 an thlop hna

0

The Chinland Post | 2022 September 20 – Chin ramkulh, Falam khua sizung pi ah Covid-19 mizaw 5 kan thlop hna tiah sizung uk nih a chim.

Kan hnu zarh ah SAC kuttang ngandamnak zung nih Chin ramkulh Falam khua ah Covid mizaw 1, Tedim khua ah Covid mizaw 3 kan hmuh hna tiah a thanh.

Cucaah leng kan chuah tikah mask i huh ding, mi butnak hna hrial ding le kut atu le atu thiang tein ṭawl ding tiah Falam sizung uk nih forhfialnak a chim.

Covid-19 zawtnak aa chawnhmi chungah 80% hi cu khamhnak sii aa chun lomi an si i 15.9% hi cu voikhat aa chun cangmi an si, 4% hi cu khamhnak sii tling tein aa chun cangmi le 0.1% hi cu khamhnak si aa chun chap cangmi an si tiah SAC kuttang ngandamnak zung nih thawng a thanh.

About The Author

Na ruahning rak langhter ve.. (Leave a comment)

%d bloggers like this: