Federal Wings Drone Phu Nih Kum Cheu Chung Ah Kahdohnak Voi 280 Leng An Tuah I SAC Ralkap 50 Hrawng An Thi
The Chinland Post | 2023 July 3 — KNU Brigade 6, Brigade 3 le Sagaing ramṭhen hmunhma cheukhat hna ah kahdohnak a tuah mi Federal Wings Drone phu nih 2023 thla 6 chung ah SAC ralkap pawl Drone in kahdohnak voi 281 an tuah tiah July 3 ah cathanh an chuah.
Cu kahdohnak pawl ah bom phun 680 hrawng an hman tiah an langhter.
Drone in bomthlaknak chung ah SAC chungtel 50 hrawng an thi i hliam an tuar mi tampi an um tiah an langhter fawn.
2023 kum cheu chung ah Federal Wings phu chungtel 1 a nunnak a liam, 6 hliam an tuar i 1 cu an thlop lio a si tiah theihternak an tuah.
2023 thla 6 chung ah NUG MOD kuttang ah Federal Wings (1801) Drone Battalion cu phungning tein an dirh khawh i Sagaing ramṭhen chung ah kahdohnak an thawk cang tiah an thanh.
Federal Wings Drone phu nih 2022 chung zong ah kahdohnak voi 430 leng an tuah khawh i SAC ralkap 200 hrawng an thi, SAC chungtel a za leng in hliam an tuar tiah Federal Wings phu nih cathanh an chuah.
About The Author
