Semi Final; France Nih Belgium An Tei Hna I Final An Kai Cang

City Hunter| 2018 July 11| 2018 kum Russia ah tuahmi World Cup semi final ah France le Belgium an chuih i France nih an tei hna caah France cu final an kai cang.

France lei in Samuel Umtiti nih minute 51 ah goal 1 a sut. Belgium lei nih an cham khawh ti hna lo caah France nih Belgium cu 1-0 in an tei hna. Cucaah, France cu Croatia asilole England he July 15 zan ah final an chuih te lai.

World Cup tuanbia ah France nihhin 1998 kum ah champion voikhat te an rak co bal. Mah kum ahhin Brazil he an rak i tong tiah theih a si.

Croatia le England cu July 12 deilei suimilam 12:30 (July 11 zan) ah semi final an chuih ve lai. A sungmi le Belgium cu July 14 zan suimilam 8:30 ah pathumnak an i cuh te lai. Mah a awngmi le France cu July 15 zan suimilam 9:30 ah final an chuih te lai. Cucaah, France cu champion an co lo hmanh ah pahnihnak an co ding cu a fiang cang.

Semi final a chuih dingmi phu hnih le final a kai cangmi phu cangmi tukum World cup goal tam bik suttu hna cu;

Harry Kane (England) – goal 6
Antoine Griezmann (France) – goal 3
Kylian Mbappe (France) – goal 3
Luka Modric (Croatia) – goal 2 an si. Cucaah, tukum World Cup sui kedan cu England in Harry Kane nih a co lai tiah pumpululh thapetu le a zohtu zapi nih an zumh cio.

Semi final a kaimi phu chung in goal an sut ning cang cu a tanglei bantuk in a si.
France
Antoine Griezmann – goal 3
Kylian Mbappe – goal 3
Benjamin Pavard- goal 1
Raphael Varane- goal 1
Samuel Umtiti – goal 1

Belgium
Dries Mertens
Romelu Lukaku- goal 4
Eden Hazard- goal 2
Michy Batshuayi – goal 1
Adnan Januzaj- goal 1

England
Harry Kane – goal 6
Jesse Lingard – goal 1
John Stones – goal 1
Harry Maguire – goal 1
Dele Alli – goal 1

Croatia
Luka Modric – goal 2
Ante Rebic – goal 1
Ivan Rakitic – goal 1
Milan Badelj – goal 1
Ivan Perisic – goal 1
Mario Mandzukic – goal 1
Andrej Kramaric – goal 1
Domagoj Vida – goal 1

Tukum World Cup ah goal 3 in hat-trick a ngahtu cu Portugal in C. Ronaldo le England in Harry Kane an si.