H1N1 Khamnak Sii Online Ah Zuarmi Cu FDA Nih Hmanlo Ding In A Kham

Hi1N1 zawtnak kongah a hlankan i runvennak caah siichunh ding Online in phungning lo in zuarzamh mi kongah FDA hman lo ding in a kham.

Online le Facebook page chungah H1N1 hrik a that kho tu in zuarzahnak tuah sii cu hman dingah aa tlak lo caah cawk ding le i chunh lo dingin FDA: Food and Drug Administration nih thawngthanhnak a tuah.

FDA Ralrin Peknak

“Mah sii zuarzamhnak kongah phungning in a tlai tu, a zuartu le a phurtlunh tu Company an um ko i mah sii cu hmundang ram dang in phungning lo in an serchuah tu an rak um kho. Cucaah Online in an zuar mi hi khoika ram in dah an ser chuah, a dik taktak mi sii a si tak maw timi thlathlai i fianta a hau. Cu tikah mizapi nih kan theih nak ding ca le i ralrinnak ding caah a tubantuk in thawngthanhnak kan tuah hi a si. Cun Online in a zuartu hna cu Phungning in a phurtu le a zuar tu hna Company pakhat nih taza zong cuai khawh an si.” tiah Naypyitaw FDA zung tuanvo ngeitu Theing Ki Yin nih a  chim.

H1N1 zawtnak in Kawlram chungah minung 78 an thi i zawtnak hrik ngei mi le thlop lio mi minung 406 an um tiah ngandamnak zung nih thanhca an chuah. (Ref:Duwun)

Leave a Commnet

%d bloggers like this: