H1N1 Zawtnak Tih A Nung Chin Lengmang; Minung 31 An Thi Cang

0

The Chinland Post| 2019 July 9| 2019 January in July 8 tiang ah H1N1 zawtnak in Myanmar ram pumpi ah minung 31 an thi i zawtnak hrik ngei 180 an si cang tiah Ngandamnak lei ministry zung nih an thanh.

A thimi cu Yangon ramthen in 25, Ayeyarwaddy ramthen in 3, Sagaing ramthen in 2 le Mon ramkulh in 1 an si. Yangon ramthen lawng in July 8 tiang ah H1N1 zawtnak hrik ngei 108 an si i minung 25 tiang an thi cang.

A thimi hi kum 70 renglo hrawng le kumkhat le thlathum hrawng ngakchia pin ah lung zawtnak, tangfah zawtnak, kal zawtnak, zunthlum zawtnak a ngei chihmi zong an i tel.

Hi H1N1 zawtnak hrik an ngeih thawk bak in nikhat in nili chung ah zawtnak hrik a lang. A linh 38 degree centegrate cung taklinh, cumpit, tangfah, kutke- takpum fah le lufah tibantuk in an um.

Yangon ramthen lawng in 2017 kum  ah H1N1 zawtnak a ngeimi 92 an si i 12 an rak thi. 2017 kum Myanmar ram pumpi ah H1N1 zawtnak a ngeimi 406 an si i minung 38 an thi. 2018 kum ah  zawtnak n giemi 13 an si i a thimi an um lo tiah Ngandamnak ministry zung nih an thanh.

Hi bantuk zawtnak sivai (Virus) cu a luancia 2017 kum in Kawlram chungah hmuhchuah a si i 2019 kum ruahlo piin an hmuhchuah than mi cu vawleicung ngandamnak lei tawlreltu phu (WHO) in tuanvo ngeitu a si mi Indiaram New Delhi um Kawlram siibawi nih a mah hmuhning a tubantuk in a chim.

 

Ref: 7Day News

About The Author

Na ruahning rak langhter ve.. (Leave a comment)

%d bloggers like this: