Rakhine Le Chin Ramkulh Thenkhat Internet Line Phihkhar Piak An Ton Ni 17 A Si Cang

TCP-Thantlang| 2019 July 9| Zarhthum tluk Rakhine ram le Chin ramkulh thenkhat pehtlaihnak Internet Line phihkhar piak an ton mi cu cunglei nawl ngeitu hna sin ah an chimphuan lai tiah kan theih.

Rakhine ramchung AA le Kawl ralkap an i tuknak khua 8 le Chin ramkulh khua khat hna cu June 21 ni thok in pehtlaihnak Internet line phihkhar piak an rak ton mi cu a rannak in Internet line hunpiak than dingin June 24 Rakhine Hluttaw ah MP U Hla Thein nih a herhtuk mi biatung ah a rak chuah pi.

Hi biatung cu Rakhine Hluttaw nih pom a  si bantuk in Internet line rianrang te pek ding in  cunglei ah ca kan kuat hna lai tiah Hluttaw palai U Tun Tha Shing nih a chim.

“Rakine Hluttaw ah duh lo tu um lo in biatung cu a nung bantuk in cunglei ah ca kan kuat hna lai. Au bantuk in Internet line phih a si caah khuami he hna zong an herh mi pehtlaihnak kan chanbau. Cucaah cunglei upa hna zong nih Rakhine Hluttaw biachahnak pom mi cu ngeih piak lo in an kan um bal lai lo. Internet line a ngah lo caah Rakhine ramchung thil a cangmi zong hnu pi ah thawng theih a si.” tiah a cunglei upa nih a chim.

Zeiruang bik ah dah Internet line hi phihkhar piak an si timi cu cunglei pehtlaihnak le phurhtlunhnak zung nih phung ning in an chim lo tiah kan theih.

(Ref: Myanmar Now)

Leave a Commnet

%d bloggers like this: