H1N1 Zawtnak Tlangrai In Minung 7 An Thi Cang

0

The Chinland Post| 2019 June 24| Nithum chung ah H1N1 zawtnak tlangrai in minung pakhat a thi chap i a thimi zapi 7 an si cang tiah Ngandamnak le zaanglek celhnak ministry zung in theih a si.

Ngandamnak ministry zung nih June 20 zan ah tukum January in June thla tiang H1N1 zawtnak tlangrai a ngeimi 16 hmuh an si i minung 6 an thi cang tiah an thanh. June 23 zan tiang zawtnak hmuhmi 19 le a thimi 7 an si. Cu ruang ah nithum chung ah a thimi pakhat le zawtnak a ngeimi pathum an karh chap. Asinain palek cazin ning in H1N1 zawtnak tlangrai in a thi i vuimi cazin hi minung 8 an si cang.

2017 kum Myanmar ram pumpi ah H1N1 zawtnak a ngeimi 406 an si i minung 38 an thi. 2018 kum ah  zawtnak n giemi 13 an si i a thimi an um lo tiah Ngandamnak ministry zung nih an thanh.

Hi bantuk zawtnak sivai (Virus) cu a luancia 2017 kum in Kawlram chungah hmuhchuah a si i 2019 kum ruahlo piin an hmuhchuah than mi cu vawleicung ngandamnak lei tawlreltu phu (WHO) in tuanvo ngeitu a si mi Indiaram New Delhi um Kawlram siibawi nih a mah hmuhning a tubantuk in a chim.

“Ngandamnak zung lei nih thil a can, a caan chung teah kham dingin an i zuam lio a si. Cubantuk in Kawlram chungah tawlrel lio pi a si. 2017 kum voikhat le a tu 2019 kum ah a hungchuak than. Cucaah ralrinnak thawngthanh mi zong mizapi lei nih an zulh herh ve. A biapi bikmi cu mah zawtnak i khamnak ding caah pumpak i thianhhlimh a herh i hmurhuh (mask) zong i tuam ding, mi bu sin ah chuah luh tuk lo ding,  a tu le tu kut i tawl ding, pakhat khat tlagrai nih an phak i nihnih chungah na dam khawh lo ah cun neihniam a si mi sii-inn, sii-khan ah i hmuhsak ding a si” tiah a chim.

A-H1N1 zawtnak hrik cu hnap tibantuk chungah a um deuh caah mi pakhat a ha-thio tikah pe 6 chung ah minung hawidang nih an i chawnh khawh mi a si. Cu bantuk zawtnak cu a thitha der mi, tar, ngakchia le cuap tha lo mi tibantuk hna sin ah a tlung duh deuh mi a si. Cubantuk hna nih cun a hlankan in an i runven a herh. Cucaah mah hna pawl cu mi tampi an umnak hmun, hmur huh ding le kuttawl an felfai a herh” tiah Delhi um Kawlram siibawi nih a chim.

Ref: 7Day News, VOA, Myanmar Now

About The Author

Na ruahning rak langhter ve.. (Leave a comment)

%d bloggers like this: