Hakha Ah Facility Quarantine A Lutmi (182) An Si

Salai Bawi Lian Sang| TCP-Kalay| October 19, 2020| Hakha peng ah avoihnihnak Covid thlihrang ah ramchung ramleng a rak lutmi hna cu Facility Quarantine hmun (7) ah chiah an si. Hakha University Facility Quarantine minung (55), G.T.I Facility Quarantine minung (22), Nahtahlah sianginn Facility Quarantine ah minung (14), Nu kutzum thiam cawnnak sianginn Facility Quarantine ah minung(10), Siangsangrun No.1  FQ ah minung (11)m Siangsangrun No. 3 FQ ah minung(8) Siangsangrun No.4 FQ ah minung (59) andihlak Facility Quarantine lutmi minung (182) an si tiah Hakha Covid-19 pulralvennak committee sinin thawng theih a si.

Hakha ah voihnihnak thlihrang can hrik hmuhhmasa tu nu (1) kum 22 cu  kutzumthiamcawnnak sianginn ah facility Quarantine ah a lut tiah October 10, 2020 zan in thawng theih a rak si.

Covid-19 zawtnak positive nu hi Yangon ramthen, Alone peng Bahu naungeithiamnak (Bahu- taphua) training school No. (162) a kai dih hnu Chinram lei ah riantuan ding in A hawi le taphua sayamah (3) he September 27,2020 ah Hakha lei an rak kai. September 28, 2020 ah Hakha lutnak  Gangaw lam check gate in nukutzumthiamnak sianginn ah Facility Quarantine in an erh colh hna.

Hakha Nahtalah sianginn ah Quarantine a luhmi hna Swab test an tuahmi cu Mandalay ah October 9.2020 ni an kuat i Yangon Insein peng in a ra mi (2) sin in hrik an hmuh than hna.

October 13, ni ah Pakhokku in a ra mi cu Hakha luhnak Gate check point ah motor driver pa(2) sin in zawtnak an hmuh i Siizung ah an kuat colh hna. Hakha siizung ah  hrik ngei mi(5)an thlop lio tiah thawng kan theih.

Hakha peng ah Quarantine alutmi pakhat ei-din nak ah Chinram cozah nih kyat(35,000) cu ni 14 ei-dinnak ah kyat(49,000)bawmhnak a pek hna.Chinram luhmuhzi zung nih kum (5) tang ngakchia hna le Kum (60)cung upa pakhat cio ah kyat(30,000)bawmhnak a pek hna tiah Hakha Information zung in thawng zamh nak a tuah.

Chin ram kulh chung ah (March 23, 2020- October 18, 2020) tiang Covid -19 hrik ngei minung (53) an si. A dam in siizung chuak thanmi zong an um.

Hakha (6), Thantlang(1), Falam (4), Tedim (9), Tonzang (10), Mindat ( 22), Matupi (2), Kanpetlet-0, Paletwa-0 an dihlak (54) an si.

Credit: IPRD Hakha

Na ruahning rak langhter ve.. (Leave a comment)

%d bloggers like this: